Entre os días 20 e 24 de agosto de 2026 celebrouse a segunda edición do workshop de networking IBERO-ARMORICAIN para o intercambio de información sobre a conservación e as medidas de xestión de Eryngium viviparum. Trátase dun endemismo atlántico, un pequeno hidrófito bienal da familia das umbelíferas, que aparece en chairas e depresións arxilosas sometidas a encharcamento temporal da Bretaña, do Norte de Portugal e do Noroeste de España.

Con motivo deste evento, o investigador Yvon Guillevic da entidade ambientalista Bretagne Vivante, procedente da Bretaña (NO de Francia), visitou as poboacións desta especie no Noroeste de España (A Limia, Zamora) e no Norte de Portugal (Bragança) xunto cos distintos beneficiarios e entidades asociadas a LIFE GLOBAL. Esta completa visita permitiu avaliar a dinámica poboacional das localidades visitadas (ao teren sido obxecto de visita na primeira edición do workshop no ano 2025) e analizar os criterios botánicos para a diferenciación das distintas subespecies descritas.