O proxecto LIFE GLOBAL foi presentado na praia de Barrañán, pertencente á ZEC Costa da Morte, unha das zonas nas que está previsto actuar no marco do proxecto LIFE GLOBAL, proxecto transnacional para impulsar a restauración de áreas Rede Natura 2000 no que tamén participan o Norte de Portugal e outras tres comunidades autónomas: Castilla e León, Euskadi e Navarra. O acto foi presentado pola Conselleira de Medio Ambiente e Cambio Climático, Ángeles Vázquez, dado que a Xunta de Galicia participa como un dos socios principais, xunto a Pablo Ramil, director do IBADER que é o coordinador do proxecto. Ambos foron acompañados polo alcalde de Arteixo, José Carlos Calvelo.