Izki emprázase nos montes de transición do País Vasco, entre o clima atlántico e o mediterráneo. Caracterízase por unha extensa masa forestal asentada sobre unha importante planicie areosa sucada por pequenos barrancos escavados por numerosos arroios tributarios do río Izki, o cal atravesa o espazo de oeste a leste, e cara o que drenan multitude de arroios e pequenas balsas. O espazo está enmarcado por diversas elevacións e montañas calcarias, destacando as cumes dos montes Kapildui (1.180 m), San Justi (1.021 m), San Cristóbal (1.055 m), así como as moles calcarias de Mantxibio (939 m), Soila (989 m) e La Muela (1.059 m).
ZEC Izki – ES2110019
DESCRICIÓN XERAL
Superficie (ha): 9.482,1 ha
Código Natura 2000: ES2110019
Outros estados de protección segundo a lexislación nacional ou rexional:
Dentro do ámbito territorial da ZEC inclúense outros status de protección de acordo coa lexislación nacional ou rexional, a ZEC/ZEPA Izki foi designada Zona de Especial Protección para as Aves (ZEPA) en 1997. Así mesmo, a maior parte da ZEC e ZEPA foi declarada Parque Natural en 1998 (Decreto 65/1998), de acordo coa Lei 16/1994 de Conservación da Natureza do País Vasco. Mediante o Decreto 33/2016, de 1 de marzo, desígnase tamén Izki (ES2110019) como Zona Especial de Conservación (ZEC) e Zona de Especial Protección para as Aves (ZEPA) e establécense os seus obxectivos de conservación.
SITUACIÓN ACTUAL E ACCIÓNS DE CONSERVACIÓN DO PROXECTO
Izki sitúase no sector este de Araba/Álava (País Vasco), na comarca Montaña Alavesa, limitando ao norte cos Montes de Vitoria, Okina e Berroci, ao leste co río Berrón, ao sur cos vales da parte baixa da Serra Toloño, e ao oeste co Condado de Treviño (Burgos, Castela e León).
No espazo dominan os usos forestais, a gandería extensiva e en menor medida os cultivos agrícolas. O aproveitamento forestal céntrase na obtención de leñas, en “suertes foguerales” e limpas do bosque, e na extracción de madeira. Tamén existen algunhas plantacións forestais de coníferas. A gandería extensiva céntrase sobre todo no equino e o vacún de carne, que pastan no monte a maior parte do ano. Os rabaños de ovino e cabrún son moito menos frecuentes.
En canto ao réxime de propiedade, a maior parte (máis do 95%) do espazo é de titularidade pública, e correspóndese con Montes de Utilidade Pública cuxos titulares son as Xuntas Administrativas.
La singularidade da ZEC/ZEPA Izki na Rede Natura 2000 do País Vasco débese á presenza de determinados hábitats de interese comunitario, destacando os Hábitats de Interese Comunitario 3170* – Estanques temporais mediterráneos, 4020* – Uceiras húmidos atlánticas de zonas temperadas de Erica ciliaris e Erica tetralix, 7210* – Turbeiras calcarias de Cladium mariscus e con especies do Caricion davallianae, e 7220* – Mananciais petrificantes con formación de travertinos (Cratoneurion) sobre os que se actuará no proxecto mellorando as súas condiciones.